Вӑрнар округӗнчи Нурӑсри психоневрологи интернатӗнче сипленнӗ хӗрарӑм унти пациенткӑна чейникпе ҫапса вӗлернӗшӗн судра явап тытӗ.
Ку пӗлтӗр чӳкӗн 8-мӗшӗнче пулнӑ. 22 сехетре интернатра сипленнӗ 48 ҫулти хӗрарӑм кӳршине тимӗр чейникпе пуҫӗнчен, кӗлеткин ытти пайӗнчен нумай хутчен ҫапнӑ. Лешӗ сурансене пула ҫавӑнтах вилнӗ.
Суд-психиатри экспертизи хӗрарӑм психика чирӗпе аптӑранине, преступлени вӑхӑтӗнче хӑй мӗн тунине ӑнланманнине палӑртнӑ. Ҫавна май прокуратура суда ӑна сипленме ямашкӑн ыйтса ходатайство ҫырнӑ.
Вӑрнар округӗнчи Шӗнер Ишек ялӗнче пулнӑ пушарта 54 ҫулти арҫыннӑн пурнӑҫӗ татӑлнӑ.
Инкек нарӑс уйӑхӗн 3-мӗшӗнче каҫхине пулнӑ. Ҫамрӑксен урамӗнчи кил-хуҫалӑхӗнче ҫуллахи ҫуртра ҫулӑм алхасма пуҫланӑ. Ҫав вӑхӑтра кил хуҫи, 54-ри арҫын, унта пулнӑ. Шел те, вӑл урама тухайман, ҫавӑнтах вилнӗ.
Малтанлӑха палӑртнӑ тӑрӑх, вӑл пирус асӑрханмасӑр туртнӑ, ҫавӑнпа пушар тухнӑ.
Ӗнер каҫхине Вӑрнар округӗнче патрульпе пост службин инспекторӗсем урамра юр ҫинче арҫын выртнине асӑрханӑ. 50-ри арҫынна медпулӑшу кирлӗ пулнӑ. Инспекторсем тӳрех васкавлӑ медпулӑшу чӗннӗ.
Ҫапла вӗсем арҫынна шӑнса вилесрен ҫӑлнӑ. Сӑмах май, патрульпе пост службин ӗҫченӗсем юр ҫунӑ вӑхӑтра юр ӑшне кӗрсе ларнӑ водительсене те пулӑшаҫҫӗ.
Паян хурлӑхлӑ хыпар килнӗ: Праски Витти пурнӑҫран уйрӑлнӑ. 90 ҫула кайнӑ пулнӑ вӑл.
Виталий Петрович Петров ӳнерҫӗ кӑна мар, наци ӳнер искусствин чӑн-чӑн символӗ пулнӑ. Вӑл авалхи чӑваш символикине хальхи формӑсемпе пӗрлештерме пултарнӑ.
Праски Витти Вӑрнар районӗнчи Малти Ишек ялӗнче 1936 ҫулхи авӑнӑн 17-мӗшӗнче ҫуралнӑ. Унӑн ӗҫӗсене патшалӑх та, общество та хакланӑ. Вӑл – ЧР Халӑх ӳнерҫи, РСФСР тава тивӗҫлӗ ӳнерҫи, ЧР Патшалӑх премийӗн лауреачӗ. Унӑн ӗҫӗсем тӗнчипех сарӑлнӑ: музейсенче, харпӑр коллекцисенче упранаҫҫӗ.
Хальлӗхе хӑҫан та ӑҫта сывпуллашасси пирки хыпар ҫук.
Вӑрнар округӗнче пурӑнакан арҫыннӑн импульс генераторне тата аккумуляторне 5 ҫул каялла вӑрланӑ. Ун чухне вӑл 20 пин ытла тенкӗлӗх тӑкак кӳнӗ.
Ҫухалнӑ япаласене тӳрех йытӑпа шыранӑ. Анчах усси пулман. Япаласене шырав базине кӗртнӗ.
Халӗ, 5 ҫул иртсен, Вӑрнарти оперативниксем вӑрланӑ генератора Вӑрнарта пурӑнакан арҫын патӗнче тупнӑ. Ӑна тытса чарнӑ, вӑл айӑпне йышӑннӑ. Ун тӗлӗшпе пуҫиле ӗҫ пуҫарнӑ.
Вӑрнар районӗнчи Нурӑсра тасатмалли сооружени ӗҫлеменрен таса мар шыв Ҫавала ҫаплипех юхса выртать. Ку ҫивӗч ыйтӑва ялти пӗр хастар арҫын хускатнӑ, вӑл Халӑх фронтӗнчен пулӑшу ыйтнӑ.
Халӗ вара ку пӑтӑрмаха РФ Следстви комитечӗн пуҫлӑхӗ Александр Бастрыкин таранах пӗлеҫҫӗ. Асӑннӑ комитетӑн Чӑваш Енри управленийӗ пуҫиле ӗҫ пуҫарнӑ, кун пек тума Александр Бастрыкин хушнӑ.
Кӑҫал республикӑри чи лайӑх ялти культура ҫурчӗсене – 2,25 млн, чи лайӑх 11 ӗҫченне преми евӗр хавхалантарма 825 пин тенкӗ уйӑрса парӗҫ. Хушӑва республика премьер-министрӗ Сергей Артамонов алӑ пуснӑ.
Пулӑшӑва 18 округ тивӗҫӗ. Чи пысӑк гранта Вӑрнар округне уйӑрса парӗҫ – пӗтӗмпе 375 пин тенкӗ. Йӗпреҫ, Комсомольски округӗсем 300-шер пин тенке тивӗҫӗҫ. Канаш, Муркаш, Шупашкар тата Шӑмӑршӑ округӗсене 225-шер пин тенкӗ парӗҫ.
Вӑрнар районӗнчи Тимӗрҫкасси ялӗнчи урамсенче юртан тасатса тӑмаҫҫӗ иккен.
«Вӑрнар районӗнчи Тимӗрҫкасси ялӗнче пурӑнатӑп. Вырӑнти ял тӑрӑхӗн администрацийӗ урамсенчи юра тасатса тӑмасть. Юр тасатакан техника хӗл каҫипе пӗрре ҫеҫ пулчӗ. Урамсене пӗр техника та, ҫав шутра васкавлӑ службӑсен те, кӗрсе тухаймасть. Ял тӑрӑхӗн администрацине шӑнкӑравласа каланин усси ҫук», – тесе пӗлтернӗ «Контактри» «Эпир Чӑваш Енрен» паблика вырӑнти пӗр ҫын.
Вӑрнар районӗнчи Мӑн Явӑшра пурӑнакансем яла автобус ҫӳреме пӑрахнишӗн пӑшӑрханаҫҫӗ.
Яла автобуссем Вӑрнартан ҫӳренӗ. Пӗлтӗрхи раштав уйӑхӗн 8-мӗшӗнчен вӗсем хутлама пӑрахнӑ.
Асӑннӑ рейс кӳршӗри тӑватӑ ял ҫыннисемшӗн те меллӗ пулнӑ. Унпа Кӗҫӗн Кипек, Уйкас Явӑш, Ҫӑкаллӑ Явӑш, Мулакасси ял ҫыннисем те район центрне ҫитсе килме пултарнӑ.
«Ӗҫе кайма та, ӗҫпе тухса кӗме те, больницӑна тухтӑр патне ҫитме те май ҫук», – тесе кулянаҫҫӗ вырӑнтисем.
Вӑрнар округӗнчи Уравӑшра пурӑнакан Варвара Гаврилова 104-мӗш ҫуралнӑ кунне паллӑ тунӑ.
Варвара Порфирьевна пурнӑҫ тӑршшӗпе чунне парса ӗҫленӗ, 30 ҫул ытла акушеркӑра вӑй хунӑ, ачасене кун ҫути курма пулӑшнӑ. Халӗ кинемейӗн хӑйӗн ҫемйи пысӑк: ачисем, мӑнукӗсем, кӗҫӗн мӑнукӗсем тата вӗсен ачисем пур. Хальхи вӑхӑтра Варвара Порфирьевнӑна мӑнукӗ Вероника пӑхса пурӑнать.
+19.1 °C